Qazaqstan Respýblıkasy Úkimetiniń qaýlysy №49

  2016 jylǵy 31 tamyz ,3 Astana, Úkimet Úıi «Qazaqstan Respýblıkasy Úkimetiniń jáne jergilikti atqarýshy organdardyń rezervterin paıdalaný qaǵıdalaryn bekitý týraly jáne Qazaqstan Respýblıkasy Úkimetiniń keıbir sheshimderiniń kúshi joıyldy dep taný týraly» Qazaqstan Respýblıkasy Úkimetiniń 2015 jylǵy 25 sáýirdegi № 325 qaýlysyna ózgerister men tolyqtyrý engizý týraly Qazaqstan Respýblıkasynyń Úkimeti qaýly etedi: 1. «Qazaqstan Respýblıkasy Úkimetiniń jáne jergilikti atqarýshy organdardyń rezervterin paıdalaný qaǵıdalaryn bekitý týraly jáne Qazaqstan Respýblıkasy Úkimetiniń keıbir sheshimderiniń kúshi joıyldy dep taný týraly» Qazaqstan Respýblıkasy Úkimetiniń 2015 jylǵy 25 sáýirdegi № 325 qaýlysyna (Qazaqstan Respýblıkasynyń PÚAJ-y, 2015 j., № 27-28, 168-qújat) mynadaı ózgerister men tolyqtyrý engizilsin: kórsetilgen qaýlymen bekitilgen Qazaqstan Respýblıkasy Úkimetiniń jáne jergilikti atqarýshy organdardyń rezervterin paıdalaný qaǵıdalarynda: 24-tarmaqtyń birinshi bóligi mynadaı redaksııada jazylsyn: «24. Qazaqstan Respýblıkasynyń nemese onyń ákimshilik-aýmaqtyq birliginiń saıası, ákonomı­kalyq jáne áleýmettik turaqtylyǵyna, adamdardyń ómiri men densaýlyǵyna qaýip tóndiretin jaǵdaı­lar týyndaǵan jaǵdaıda, sondaı-aq Qazaqstan Respýblıkasy Úkimetiniń nemese jergilikti atqarýshy organnyń rezervterinen ózge de kózdelmegen shyǵyndarǵa aqsha qajettiligi bolǵan jaǵdaıda, tıisti memlekettik organ bıýdjetti atqarý jónindegi ýákiletti organǵa tıisti negizdeme­lermen jáne esepteýlermen birge aqsha bólý týraly ótinishhat usynady. Búl rette taýarlar (jumystar, kórsetiletin qyzmetter) birliginiń quny negizdeledi, al kúrdeli (qalpyna keltirý) jóndeý boıynsha jáne bıýdjettik ınvestısııalyq jobalardy iske asyrýǵa mynalar: 1) jobalyq (jobalyq-smetalyq) qujattamaǵa vedomstvodan tys keshendi saraptamanyń oń qorytyndysy; 2) bıýdjettik baǵdarlamalar ákimshisi (birinshi basshysy ne birinshi basshy ýákilettik bergen tulǵa) bekitken nysanaly bıýdjet qarajaty esebinen qarjylandyrylatyn obektilerdi (ǵımarattar men qurylystardy, olardyń keshenderin, ınjenerlik jáne kóliktik kommýnıkasııalardy) salýǵa arnalǵan tehnıkalyq-ekonomıkalyq negizdeme nemese jobalaý-smetalyq qujattama; 3) suratylǵan somaǵa tapsyrys berýshi bekitken jáne jobalaýshy qol qoıǵan jıyntyq smetalyq esepteýler, jumys túrleri boıynsha jergilikti smetalar; 4) Qazaqstan Respýblıkasynyń zańnamasynda belgilengen basqa da qujattar mindetti túrde bolýy qajet.»; 36, 37, 38, 39, 40, 41, 42 jáne 43-tarmaqtar mynadaı redaksııada jazylsyn: «36. Qolma-qol aqsha tapshylyǵy boljamdalǵan jaǵdaıda, oblystyq bıýdjetterdiń, respýblıkalyq mańyzy bar qala, astana bıýdjetteriniń qolma- qol aqsha tapshylyǵyn jabýǵa arnalǵan rezerv, tıisti qarjy jylynda oblystyq bıýdjetterge, respýblıkalyq mańyzy bar qala, astana bıýdjetterine kredıt berý úshin respýblıkalyq bıýdjette kózdeledi. Oblystyq bıýdjetterdiń, respýblıkalyq mańyzy bar qala, astana bıýdjetteriniń qolma-qol aqsha tapshylyǵy boljamdalǵan jaǵdaıda, ony jabýǵa Qazaqstan Respýblıkasy Úkimetiniń rezervinen kredıt berý úshin aqsha bólgen kezde oblystardyń, respýblıkalyq mańyzy bar qalanyń, astananyń ákimderi bıýdjetti atqarý jónindegi ortalyq ýákiletti organǵa tıisti negizdemelermen jáne esepteýlermen birge Qazaqstan Respýblıkasy Úkimetiniń rezervinen aqsha bólý týraly ótinishhat usynady. 37. Bıýdjetti atqarý jónindegi ortalyq ýákiletti organ usynylǵan ótinishhattyń negizinde, sondaı-aq Qazaqstan Respýblıkasy Úkimetiniń osyǵan uqsas máseleler boıynsha buryn qabyldanǵan sheshimderine jáne oblystyq bıýdjetterge, respýblıkalyq mańyzy bar qalanyń, astananyń bıýdjetterine buryn berilgen kredıtter týraly derekterge súıene otyryp, oblystyq bıýdjetterdiń, respýblıkalyq mańyzy bar qala, astana bıýdjetteriniń qolma- qol aqsha tapshylyǵy boljamdalǵan jaǵdaıda, olardy jabýǵa Qazaqstan Respýblıkasy Úkimetiniń rezervinen aqsha bólýdiń múmkindigi ne múmkin emestigi týraly qorytyndy beredi. Oblystyq bıýdjetterdiń, respýblıkalyq mańyzy bar qala, astana bıýdjetteriniń qolma-qol aqsha tapshylyǵy boljamdanǵan jaǵdaıda, ony jabýǵa Qazaqstan Respýblıkasy Úkimetiniń rezervinen kredıt berý úshin aqsha bólgen kezde: 1) oblystyq bıýdjetterge, respýblıkalyq mańyzy bar qala, astana bıýdjetterine kredıt berý úshin aǵymdaǵy qarjy jylyna arnalǵan respýblıkalyq bıýdjette kózdelgen somanyń bolýy; 2) bólinetin aqshanyń máslıhattardyń sheshimderimen bekitilgen jáne oblystyq bıýdjetke, respýblıkalyq mańyzy bar qala, astana bıýdjetine aǵymdaǵy túsimdermen jáne belgili bir esepti kezeńde oblystyq bıýdjettiń, respýblıkalyq mańyzy bar qala, astana bıýdjetteriniń tapshylyǵyn qarjylandyrýmen qamtamasyz etilmegen oblystyq bıýdjetterdiń, respýblıkalyq mańyzy bar qala, astana bıýdjetteriniń shyǵystaryn qarjylandyrýǵa jiberilýi; 3) jergilikti atqarýshy organdardyń respýblıkalyq bıýdjetten buryn berilgen kredıtter boıynsha beresheginiń bolmaýy; 4) bólinetin kredıt somasy bıýdjetti atqarý jónindegi ýákiletti organmen kelisý boıynsha memlekettik josparlaý jónindegi ortalyq ýákiletti organ tıisti qarjy jylyna belgilegen jergilikti atqarýshy organ boryshynyń lımıtinen asyp túsýge ákep soqtyrmaýy tıis; 5) ótinish jasaý sátinde qolma-qol aqshany baqylaý shotynda jergilikti bıýdjettiń tıisti qarjy jylyna arnalǵan shyǵystarynyń bekitilgen (naqtylanǵan, túzetilgen) kóleminiń bir paıyzynan aspaıtyn qaldyqtyń bolýy (joǵary turǵan bıýdjetten nysanaly transfertter men bıýdjettik kredıtter esebinen qarjylandyrylatyn bıýdjettik baǵdarlamalar boıynsha shyǵystar eskerilmeı) mindetti sharttar bolyp tabylady. 38. Jergilikti atqarýshy organdardyń jergilikti bıýdjetterdiń qolma-qol aqsha tapshylyǵyn jabýǵa qaryz alýy úsh jylǵa deıingi merzimge júzege asyrylýy múmkin. Jergilikti atqarýshy organdarǵa qolma-qol aqsha tapshylyǵyn jabýǵa bólingen qarajat qaıta qurylymdaýǵa jatpaıdy. Aǵymdaǵy qarjy jylynda qolma-qol aqsha tapshylyǵyn jabýǵa qaıta qarajat bólýge jol berilmeıdi. Jergilikti atqarýshy organdardyń oblystyq bıýdjetterdiń, respýblıkalyq mańyzy bar qala, astana bıýdjetteriniń qolma-qol aqsha tapshylyǵyn jabýǵa aǵymdaǵy qarjy jylynan asatyn merzimge qaryz alýy bıýdjetke túsetin túsimder boıynsha tıisti jergilikti bıýdjetti naqtylaý arqyly júzege asyrylady. 39. Oblys, respýblıkalyq mańyzy bar qala, astana ákiminiń ótinishhaty boıynsha oń qorytyndy bolǵan kezde bıýdjetti atqarý jónindegi ortalyq ýákiletti organ Qazaqstan Respýblıkasy Úkimetiniń rezervinen oblystyq bıýdjetterdiń, respýblıkalyq mańyzy bar qala, astana bıýdjetteriniń qolma- qol aqsha tapshylyǵyn jabýǵa kredıt berý úshin aqsha bólý týraly Qazaqstan Respýblıkasy Úkimeti sheshiminiń jobasyn Qazaqstan Respýblıkasy Úkimetiniń qaraýyna engizedi. Qazaqstan Respýblıkasy Úkimetiniń rezervinen aqsha bólingen jaǵdaıda Qazaqstan Respýblıkasy Úkimetiniń sheshiminde qolma-qol aqsha tapshylyǵyn jabýǵa oblys, respýblıkalyq mańyzy bar qala, astana ákimdikterine kredıt berýdiń naqty merzimi jáne kredıtti óteýdiń jyldar boıynsha bólingen kestesi kórsetiledi. 40. Aýdandar (oblystyq mańyzy bar qalalar) bıýdjetteriniń qolma-qol aqsha tapshylyǵy boljamdalǵan jaǵdaıda, olardyń bıýdjetteriniń tapshylyǵyn jabýǵa arnalǵan rezerv aýdannyń (oblystyq mańyzy bar qalanyń) bıýdjetine kredıt berý úshin tıisti oblystyq bıýdjette kózdeledi. Aýdandar (oblystyq mańyzy bar qalalar) bıýdjetteriniń qolma-qol aqsha tapshylyǵyn jabýǵa kredıt berý úshin oblystyq deńgeıdegi atqarýshy organdardyń rezervterinen aqsha bólýge aýdandardyń (oblystyq mańyzy bar qalalardyń) ákimderi qolma-qol aqsha tapshylyǵy boljamdalǵan jaǵdaıda, bıýdjetti atqarý jónindegi oblystyq ýákiletti organǵa tıisti negizdemelermen jáne esepteýlermen birge oblystyq deńgeıdegi atqarýshy organnyń rezervterinen aqsha bólý týraly ótinishhat usynady. 41. Bıýdjetti atqarý jónindegi oblystyq ýákiletti organ usynylǵan ótinishhattyń negizinde, sondaı-aq oblys ákimdiginiń osyǵan uqsas máseleler boıynsha buryn qabyldanǵan sheshimderine jáne tómen turǵan bıýdjetterge buryn berilgen kredıtter týraly derekterge súıene otyryp, aýdandar (oblystyq mańyzy bar qalalar) bıýdjetteriniń qolma-qol aqsha tapshylyǵy boljamdalǵan jaǵdaıda, olardy jabýǵa oblystyq deńgeıdegi atqarýshy organdardyń rezervterinen aqsha bólýdiń múmkindigi ne múmkin emestigi týraly qorytyndy beredi. Aýdandar (oblystyq mańyzy bar qalalar) bıýdjetteriniń qolma-qol aqsha tapshylyǵy boljamdanǵan jaǵdaıda, ony jabýǵa kredıt berý úshin oblystyq deńgeıdegi atqarýshy organdardyń rezervterinen aqsha bólý úshin mynalar: 1) aýdandar (oblystyq mańyzy bar qalalar) bıýdjetterine kredıt berý úshin aǵymdaǵy qarjy jylyna arnalǵan oblystyq bıýdjette kózdelgen somanyń bolýy; 2) bólinetin aqshanyń máslıhattardyń sheshimderimen bekitilgen jáne aýdandar (oblystyq mańyzy bar qala) bıýdjetterine aǵymdaǵy túsimdermen jáne belgili bir esepti kezeńde aýdandar (oblystyq mańyzy bar qala) bıýdjetteriniń tapshylyǵyn qarjylandyrýmen qamtamasyz etilmegen aýdandar (oblystyq mańyzy bar qala) bıýdjetteriniń shyǵystaryn qarjylandyrýǵa jiberilýi; 3) aýdandardyń (oblystyq mańyzy bar qalalardyń) jergilikti atqarýshy organdarynyń oblystyq bıýdjetten buryn berilgen kredıtter boıynsha beresheginiń bolmaýy; 4) ótinish jasaý sátinde qolma-qol aqshany baqylaý shotynda jergilikti bıýdjettiń tıisti qarjy jylyna arnalǵan shyǵystarynyń bekitilgen (naqtylanǵan, túzetilgen) kóleminiń bir paıyzynan aspaıtyn qaldyqtyń bolýy (joǵary turǵan bıýdjetten nysanaly transfertter men bıýdjettik kredıtter esebinen qarjylandyrylatyn bıýdjettik baǵdarlamalar boıynsha shyǵystar eskerilmeı) mindetti sharttar bolyp tabylady. 42. Aýdandar (oblystyq mańyzy bar qalalar) bıýdjetteriniń qolma-qol aqsha tapshylyǵyn jabýǵa oblystyq deńgeıdegi atqarýshy organdardyń rezervinen bıýdjettik kredıt berý úsh jylǵa deıingi merzimge júzege asyrylýy múmkin. Jergilikti atqarýshy organdardyń aýdandardyń (oblystyq mańyzy bar qalalardyń) bıýdjet­teriniń qolma-qol aqsha tapshylyǵyn jabýǵa aǵymdaǵy qarjy jylynan asatyn merzimge qaryz alýy bıýdjetke túsetin túsimder boıynsha tıisti jergilikti bıýdjetti naqtylaý arqyly júzege asyrylady. 43. Aýdan (oblystyq mańyzy bar qala) ákiminiń ótinishhaty boıynsha oń qorytyndy bolǵan kezde bıýdjetti atqarý jónindegi oblystyq ýákiletti organ aýdandar (oblystyq mańyzy bar qalalar) bıýdjetteriniń qolma-qol aqsha tapshylyǵy boljamdanǵan jaǵdaıda, ony jabýǵa kredıt berý úshin oblystyq deńgeıdegi atqarýshy organdardyń rezervterinen aqsha bólý týraly sheshimniń jobasyn oblys ákimdiginiń qaraýyna engizedi. Oblystyq deńgeıdegi atqarýshy organdardyń rezervterinen aqsha bólinetin jaǵdaıda oblystyq deńgeıdegi jergilikti organnyń sheshiminde qolma-qol aqsha tapshylyǵyn jabýǵa aýdan bıýdjetinen kredıtteýdiń naqty merzimi jáne jyldar boıynsha bóle otyryp kredıtti óteýdiń kestesi kórsetiledi.»; mynadaı mazmundaǵy 43-1-tarmaqpen tolyqtyrylsyn: «43-1. Qazaqstan Respýblıkasy Úkimetiniń jáne jergilikti atqarýshy organdardyń rezervterinen aqsha bólý týraly sheshim qabyldanǵannan keıin úsh jumys kúni ishinde bıýdjettik baǵdarlamalar ákimshileri tıisti qarjylandyrý josparlaryna ózgerister engizedi. Qarjylandyrý Bıýdjettiń atqarylýy jáne oǵan kassalyq qyzmet kórsetý erejesinde aıqyndalǵan tártipke sáıkes júrgiziledi. Qazaqstan Respýblıkasy Úkimetiniń jáne jergilikti atqarýshy organdardyń rezervterinen joǵary turǵan bıýdjetten nysanaly transfertter túrinde aqsha bólingen jaǵdaıda, tómen turǵan bıýdjetterge qarajatty birinshi aýdarý bes jumys kúni ishinde júrgiziledi.». 2. Osy qaýly alǵashqy resmı jarııalanǵan kúninen bastap qoldanysqa engiziledi. Qazaqstan Respýblıkasynyń Premer-Mınıstri K.MÁSIMOV